சென்னை தங்களை அன்புடன் வரவேற்கிறது

தமிழ்நாட்டின் தலை நகரம் , ஏன் தமிழ்நாட்டின் மிக முக்கியமான நகரங்களில் ஒன்று ,தமிழ்நாட்டின் மிகப்பெரிய தொழில் நகரம் , நம் ஊரில் பட்டி , தொட்டி , கிராமம் எல்லா ஊர்களில் இருந்தும் பிழைப்பதற்காக சென்னைக்கு மக்கள் சென்று கொண்டு இருகிறார்கள்,அதனால் சென்னையில் மக்கள் நெருக்கம் அதிகமாகி கொண்டே போகிறது , இட நெருக்கடி , வாகனங்கள் அதிகமாகி போனதால் , காற்று மாசு பட்டுக்கொண்டு இருக்கிறது , இவை எல்லாம் ஒருபுறம் நிகழ்ந்து கொண்டுஇருக்க , நாம் இப்பொது சென்னை மக்களை பற்றி பார்ப்போம்!
சென்னையில் பலதரப்பட்ட மக்கள் வசித்து வருகிறார்கள்.ஒருபுறம் குப்பத்தில் உள்ள மக்கள் , மறுபுறம் கடல் ஓரத்தில் உள்ள மக்கள் , நகருக்குள் வந்தால் நடுத்தர வர்க்கத்து மக்கள் மற்றும் வசதி படைத்த மக்கள் என்று அனைத்து தரப்பிலும் மக்கள் உள்ளார்கள் , சென்னையில் பலதரப்பட்ட ஜாதி , மதம் , மொழி பேசுகின்றவர்கள் வசித்து வருகிறார்கள்.ஆனால் அனைவரையும் நம் மக்கள் அன்போடு அரவணைத்து பழகிக்கொண்டு வருகிறார்கள் . கூலி தொழில் செய்பவர் முதல் பெரிய பணக்காரர் வரை அனைவரும் மிகவும் விரும்புவது சினிமா , அந்த சினிமா தொழில்சாலை உள்ள இடம் இந்த சென்னையில் தான் , கோடம்பாக்கம்,வடபழனி சென்றால் சினிமா இங்கு உருவாகி கொண்டு இருப்பதை பார்க்கலாம் ,
பல்வேறு மாநிலங்களில் இருந்து இங்கு வந்து பிழைப்பு நடத்தி கொண்டு இருக்கும் மக்களிடம் நம் மக்களும் அண்ணன் ,தம்பி , மாமன் , மச்சான் என்று அன்பாக பழகிக்கொண்டு இருப்பார்கள்.உண்மையில் நான் இதை பெருமைக்கு சொல்லவில்லை வேறு எந்த மாநிலத்திலாவது இப்படி பல்வேறு மொழி பேசுகின்றவர்கள் ஒற்றுமையாக இருக்கிறார்களா ? எனக்கு தெரிந்த வரையில் இல்லை என்றுதான் சொல்லவேண்டும் .உண்மையில் தமிழன் , தான் கஷ்டமான நிலைமையில் இருந்தாலும் உதவி என்று வருபவர்க்கு உதவி செய்கிறான் , இந்த நல்ல எண்ணம் நம்மிடம் இருக்கும் வரையில் தமிழனுக்கு அழிவே கிடையாது.

நாமே பலமுறை சொல்வது உண்டு நாம் ஏமாளி என்று , பிறருக்கு உதவி செய்துவிட்டு நாம் இல்லாமல் இருக்கிறோம் என்று , அப்படி இல்லை உதவி என்பது எந்தவித நோக்கமும் இல்லாமல் , எதிர்பார்ப்பு இல்லாமல் செய்வது , பிறருக்கு உதவி செய்வதால் நாம் என்றும் தாழ்ந்து விடப்போவது இல்லை .


உலகிலேயே மிகப்பெரிய இரண்டாவது கடற்கரை நம் சென்னையில் உள்ளது என்பது நாம் மிகவும் பெருமைப்பட்டு கொள்ளவேண்டிய ஒன்று , நாம் அதை சுத்தமாக வைத்து கொள்ளவேண்டியது நம்முடைய கடமை .தகவல் தொழில் நுட்ப்பத்தில் நாம் பெங்களுருக்கு போட்டியாக இருக்கிறோம் , நம் வளர்ச்சி மிக அபரிவிதமான வளர்ச்சி,இப்படி நாம் சென்னையை பற்றி நிறைய பெருமைகளை சொல்லிக்கொண்டே போகலாம் , இவ்வாறு வளர்ச்சிக்கு காரணம் சென்னையில் வசிக்கும் ஒவ்வொருவும் எதாவது ஒரு விதத்திலாவது காரணமாக இருப்பார்கள் என்பதை மறுக்க முடியாது.

சென்னையை பற்றி ஒரு வரியில் சொல்ல வேண்டுமானால் சென்னை -
என்றைக்குமே THE BOSS OF INDIAN CITIES

(சென்னை மக்களை பற்றியும் , சென்னை பற்றியும் எழுத வேண்டும் என்பது என் ஆசை , நான் சொல்ல நினைத்த விஷயங்கள் சரியாக வந்ததா என்று தெரியவில்லை , இதில் ஏதும் தவறு இருந்தால் சொல்லுங்கள் , மேலும் உங்களது கருத்துகளை நான் மிகவும் எதிர்பார்கிறேன் )

நன்றி